ఒకప్పుడు నీవిచ్చిన ఓదార్పు
ఇప్పుడు నిన్ను మోస్తున్నది
వారి భుజాలపై,;
నీవారు అనుకున్న నీ సామ్రాజ్యం
తోడొస్తున్నది నీతో
నిన్ను కాటిలో వదిలేయడానికై ;
నవ్వుతూ నీవు పలికేపలుకులు
ఉపయోగపడుతున్నవీ నీ
చావు రహస్యాన్ని పరామర్శించడానికే ;
దన స్దలాల కోసం
వాదులాడుతున్న నీ వాదం మిగిల్చింది
నీకు 7 అడుగుల స్దలాలను మాత్రమే,
అష్టమదాలతో రగిలిపోయే నీ కోపం
బహుశా ! సిద్దమైనది నిన్ను కాల్చి
మాయచేసేందుకై ;
అందమే ఆనందం అనుకునే నీ తనువు
పాపం! చూడబోతున్నది నల్లని నీ
బూడిద ముద్రికను మాత్రమే ;
*కాని ఇతరులకై నీవు వదిలే
కన్నిటి బొట్టు వినియోగపడుతుంది
వెలిగించేందుకు అందరి మదిలోను నీ జ్ఙాపక దీపాన్ని
అందుకే ....
గమనించు నీ జీవితాన్ని
పరిశీలించు నీ కర్తవ్యాన్ని,
పయనించు తుది వరకూ
వెతుకుతూ నీ గమ్యాన్ని.
No comments:
Post a Comment